大公文匯全媒體報道：一名小朋友在朗豪坊不小心「挨」跌巨型公仔，令父母要賠償三萬多元的事件，隨着愈來愈多「證據」出現，引發全城熱議。事主父親今日（24日）接受電台訪問，表示因為今次事件，孩童今日已向學校請假。

小童父親指，事發是在星期日（22日）下午6時半，他當時在店外接工人姐姐電話，突然聽到「呯嘭一聲」，發現店內涉事的公仔已倒地。他說，仔仔當時「僵曬好驚」，只低頭看着公仔，而店員亦向太太表示仔仔已踢過公仔一腳，誤以為「個衰仔第一腳踢唔冧再踢二腳」，因此決定賠償了事，盡快帶兒子離開。

小童父親澄清，「店員冇屈我個仔踢跌公仔，佢只係誤導咗我老婆，話之前已見到你個仔踢佢一腳」。公仔標價5萬多元，店員聯絡公司後，決定只收成本價了事。他說，仔仔回家沿途在車上「呆曬，一句嘢都冇講過」，後來仔仔問了他3次「點解個公仔咁恐怖」，自己沒有因為公仔事件責罵兒子。

小童父親提到，當日晚上9時許看到事發影片，發現兒子當時為避開人潮才向後挨，發現公仔倒下時更轉身伸手想扶起公仔，「好唔小心、好無助，我個心開始噏。」

對於責任歸屬問題，小童父親指出，家長有責任看管小朋友，但同時店方亦應採取保護措施。