ཟི་ལིང་རླངས་འཁོར་འབབ་ཚིགས་ཀྱིས་དེ་རིང་ནས་སླར་ཡང་འགྲུལ་སྐྱེལ་ལམ་ཐིག7སླར་གསོ་གཉེར་སྐྱོང་བྱ་རྒྱུ་ཡིན་པ།
ཟླ11པའི་ཚེས16ཉིན། གསར་འགོད་པས་མཚོ་སྔོན་ཞིང་ཆེན་ཟི་ལིང་རླངས་འཁོར་འབབ་ཚིགས་ཚད་ཡོད་འགན་འཁྲི་ཀུང་སི་ནས་ཤེས་རྟོགས་བྱུང་བར། ཟི་ལིང་གྲོང་ཁྱེར་གྱི་རིམས་འགོག་ཚོད་འཛིན་གནས་བབ་སྔར་ལས་ཇེ་ལེགས་སུ་ཕྱིན་པ་དང་ལྷན་དུ། མི་དམངས་མང་ཚོགས་ཀྱི་འགྲོ་སྐྱོད་ཀྱི་དགོས་མཁོ་སྐོང་ཆེད། ཟི་ལིང་རླངས་འཁོར་འབབ་ཚིགས་ཀྱིས་ཟླ11པའི་ཚེས17ཉིན་རྒྱུན་གཏན་འགྲུལ་སྐྱེལ་ལམ་ཐིག7སླར་གསོ་གཉེར་སྐྱོང་བྱ་རྒྱུ་ཡིན་པ་རེད།
ཤེས་རྟོགས་བྱུང་བ་ལྟར་ན། ད་ཐེངས་སླར་གསོ་བྱས་པའི་འགྲུལ་སྐྱེལ་ལམ་ཐིག་སོ་སོ་ནི་ནུབ་མཚོ་དང་ཏུའུ་ལན། ཞིང་སྡེའི་ཞིང་ར། ཞོན་ཧྭ(འགྲོས་མཐོ་འགྲུལ་འཁོར)། ཐུང་རེན(འགྲོས་མཐོ་འགྲུལ་འཁོར)། ཧུང་ཡོན(འགྲོས་མཐོ་འགྲུལ་འཁོར)། ཧུའུ་ཀྲུའུ(འགྲོས་མཐོ་འགྲུལ་འཁོར)བཅས་རེད། རིམས་ནད་ཀྱི་སྐབས་སུ། འགྲུལ་སྐྱེལ་ལམ་ཐིག་སོ་སོའི་འཁོར་གཏོང་ཞིབ་ཕྲའི་དུས་ཚོད་དུ་ཡིན་པ་རླངས་འཁོར་འབབ་ཚིགས་ལ་ཁ་པར་རྒྱབ་ནས་འདྲི་དགོས། ཟི་ལིང་རླངས་འཁོར་འབབ་ཚིགས་ཀྱི་ཁོངས་གཏོགས་འགྲུལ་སྐྱེལ་ལྟེ་བའི་འབབ་ཚིགས་དང་། ཤིན་ཉིང་ལམ་འགྲུལ་སྐྱེལ་འབབ་ཚིགས། ནན་ཁྲོན་ནུབ་ལམ་འགྲུལ་སྐྱེལ་འབབ་ཚིགས་བཅས་སུ་རླངས་འཁོར་ལ་འདུག་མཁན་གྱི་འགྲུལ་པ་ཚང་མས“ཨང་རྟགས་བཤེར་གཉིས”སྟོན་དགོས་པ་དང་། དངོས་མིང་ཐོག་ནས་ཐོ་འགོད་བྱེད་པ། ལུས་དྲོད་འཇལ་པ། བརྒྱུད་རིམ་ཧྲིལ་པོར་ཡང་དག་པའི་སྒོ་ནས་ཁ་ཐུམ་རྒྱག་པ་བཅས་བྱེད་དགོས། འབབ་ཚིགས་ནས་གྲལ་སྒྲིག་སྟེ་པ་སེ་ཉོ་བ་དང་། རླངས་འཁོར་ལ་སྒུག་སྐབས་སྨི1གི་བར་ཐག་འཇོག་དགོས། རླངས་འཁོར་འབབ་ཚིགས་ཀྱིས་འབབ་ཚིགས་དང་རླངས་འཁོར་གྱི་དུག་སེལ་ལས་དོན་ལ་ཤུགས་སྣོན་རྒྱག་དགོསཤིང་། རིམས་ནད་ཀྱི་སྐབས་སུ། ལྷག་པར་དུ་འགྲུལ་པ་རྣམས་ཕྱི་ལ་འགྲོ་སྐབས་རླངས་འཁོར་ཚད་ལྡན་ཅན་དུ་འདུག་པ་དང་། འབབ་ཚིགས་ཕྱི་རོལ་ནས་རླངས་འཁོར་ལ་མི་འདུག་པ། མི་སྒེར་གྱི་འགོག་སྲུང་ཡག་པོ་བྱེད་དགོས་པའི་དྲན་སྐུལ་གནང་ཡོད། །འབྲེལ་གཏུག་ཁ་པར་ཨང་གྲངས།
ཟི་ལིང་རླངས་འཁོར་འབབ་ཚིགས།
ཤིན་ཉིང་ལམ་འགྲུལ་སྐྱེལ་འབབ་ཚིགས། ནན་ཁྲོན་ནུབ་ལམ་འགྲུལ་སྐྱེལ་འབབ་ཚིགས། ཚེ་རིང་དོན་གྲུབ་ཀྱིས་བསྒྱུར།རྩོམ་སྒྲིག་པ། ཚེ་རིང་རྒྱ་མཚོ། ཚེ་རིང་དོན་གྲུབ།རྩོམ་སྒྲིག་འགན་ཁུར་བ། ཐུ་བོ་ཆེ།