香港媒体近日报道:
金秀贤今日呢个look好清爽喎!唔知佢听日会用咩look同粉丝见面呢?
浅蓝西装衬白裤,感觉好清新。
浅蓝西装衬白裤,感觉好清新。
戴住cap帽现身嘅金秀贤,噚晚抵达胡志明市时一脸倦容。
戴住cap帽现身嘅金秀贤,噚晚抵达胡志明市时一脸倦容。
人气爆灯嘅「都教授」前日先喺北京车展快闪现身两分钟,引起场内场外极大混乱。
今日佢个人又已经飞到去越南,出席代言化妆品Beyond嘅活动。可能啲job接得太密嘅关系,戴住cap帽现身嘅金秀贤,噚晚抵达胡志明市时,一脸倦容,由出闸到上车全程呆呆滞滞,见到粉丝接机都只系露出丁点笑容,真系阴功猪罗~
不过休息一晚,金秀贤今朝明显叉足电。梳起啲荫,以一身浅蓝西装衬白裤,现身Beyond活动嘅佢感觉清新,一出场就同现场传媒打招呼,一举手,一个smile,令台下所有女人对眼都发晒光。
相比起北京汽车活动,今次越南主办商就安排得好妥善喇,现场一啲混乱情况都冇,令金秀贤全程心情靓到爆,喺台上有讲有笑之余,仲同大家分享自己平时点样护肤保住个靓仔样添!当然佢都唔少得卖花赞花香,喺台上力推代言产品喇!
另外,金秀贤将会喺今晚11点左右就到港,同行会有十多名工作人员,以及约两名近身保镖。明日佢就会喺尖沙嘴出席莎莎活动,及后仲有粉丝见面会。香港粉丝们,are you ready?